Week van 10 Augustus 2012

Die vraag waarmee ek hierdie week geworstel het is: Wat dryf die markte en bepaal dus die oorheersende rigting? Gaan alles daal en ‘n nuwe laagtepunt bereik omdat ekonomiese groei die afgelope kwartale halfhartig of negatief was en die probleme in Amerika, Europa en Sjiena so oorweldigend lyk, of is daar êrens iets wat ek misgekyk het wat die dryfwerk doen.

Ek het al opgemerk  dat die landbouprodukte wat ek dophou gewoonlik almal breedweg in dieselfde rigting beweeg. Toe die Verenigde Volke se Voedsel and Landbouprodukte Voedselpryse Indeks bekend gemaak word, het ek weer na hierdie indeks gekyk.

 

Die indeks bereik ‘n hoogtepunt in Mei 2008 (1), en ‘n laagtepunt in Februarie 2009(2).

Begin styg en bereik ‘n hoogtepunt in Januarie 2010 (3) en daal tot Junie 2010 (4).

Toe styg die pryse en bereik ‘n nuwe hoogtepunt in Maart 2011(5) begin daal, maar maak ‘n halfharige styging tot Desember 2011(6), net om weer die daling voort te sit tot Junie 2012(7).    

In Junie 2012 draai hierdie indeks weer positief.

Die keerpunte lyk vir my bekend! Sedert Junie het koring en mielies in Amerika met 50% gestyg.

Ek het ‘n vorige keer geskryf dat die Amerikaners en Ukrainieërs hul vooruitskattings van hul mielie en koring oeste verlaag het omdat hulle droogtes ervaar. Amerika het Vrydag weer hul oesopbrengs vooruitskatting verlaag na 123.4 vanaf 137.2 gerwe per akker. Verwag verdere prysstygings met ‘n gapaardgaarde reaksie regdeur alle ekonomië.

Toe trek ek ‘n grafiek van die DOW se maandelikse sluitingsprys en die Voedselindeks. Ongelukkig net sedert Mei 2008, maar dis genoeg.

Hier het ek die keerpunte ingevul:

 

Ander indekse wat ook op stygings dui:

Die opbrengskoers vir Amerikaanse  10 jaar skatkiswissels. Wanneer hierdie koers styg, word wissels verkoop en dit lyk my dat hierdie geld dan na aandele beweeg omdat stygings van die opbrengskoers met stygings in die DOW saamval.

Die Euro/Dollar

Mario Draghi het diegene wat teen die euro wil spekuleer (soos George Soros met die pond gedoen het) gewaarsku:

"all speculators who think that they can speculate against the euro: My dear friends, be careful, there's somebody in the background who may join the game and his pockets are deeper than your pockets."

Hier kyk ek of die euro sal versterk totdat $1.30 oor die volgende paar weke. 

 

Omdat die euro ‘n belangrike deel is van die mandjie geldeenhede wat die dollar prys bepaal, verwag ek dat die dollar sal daal. Die dollar grafiek het ‘n baie duidelike onderstebo kop-en-skouer patroon gevorm met ‘n neklyn by 81.35, wat gedui het op ‘n styging tot 90. Hierdie patroon lyk nou asof dit nie voltooi sal word nie en die dollar sal daal terug na 72.00.

 

Dit beteken dat Brentolie, Sasol en BP ook nou verder sal styg en nie verder sal daal nie.

Die belangrike punte om dop te hou is:

Amerikaanse 10jaar wissel opbrengskoers  : 2.38 vir verdere styging.

Euro / Dollar  :  1.30 vir verdere styging.

Dollar : 78.00 vir verdere daling.

Ek hou sedert Feb ook die LIBOR koers dop. Dit is nie ‘n opwindende indeks om dop te hou nie en veral ook omdat ons nou weet van die manipulasie, nogtans. Hierdie indeks het tot 6% gestyg tydens 2008. Nadat die Europese Sentrale Bank met hul LTRO lenings begin het, het hierdie koers gedaaal en min beweging getoon sedert April. Sedert 19 Junie daal hierdie koers. (.20 beteken dat banke goed funksioneer) Op Bloomberg se webblad is ‘n grafiek van hierdie indeks vir 5 jaar. 

 

Indekse wat nog steeds dalings aandui:

Die Baltiese Droeë indeks:

 

Hierdie indeks se waarde is op die oomblik twyfelagtig omdat skepe oorvoorsien is en ouer skepe nie geskroot word nie omdat die staalprys te laag is.

Is koper op die bodem?

 

Hier is koper en die DOW.  Koper was die onderpresteerder sedert Desember 2011.

 

My vrese dat deflasie al die ekonomië se voorland is, het verander in ‘n vooruitsig van inflasie deur die droogtetoestande in Amerika en Oos Europa en die Sentrale Banke wat prysbalans gaan probeer handhaaf.

12 Augustus 2012