Goud en die Rand

Die Week van 24 Augustus 2012


Stygings in die prys van die rand, goud en ander edelmetale het hierdie week my oog gevang. Sedert 10 Augustus styg goud 3%, palladium 12%, platina 10% en silver 9%. Die rand styg met 4% teenoor die dollar, 5% teenoor die pond en 6% teenoor die euro. Die rand verswak. Die dollar, (die indeks wat die dollar teen 'n mandjie geldeenhede - EUR, JPY, GBP, CAD, SEK, CHF - meet), het met 1% gedaal (verswak). Al hierdie bewegings wys dat dit nou 'n geleë tyd is om 'n belegging in goud te begin oorweeg. Daar's nie haas nie, pryse wat haastig styg draai gewoonlik weer bietjie terug.

Die Dollar

Sprake van kwantitatiewe verslapping (QE) lyk asof dit bydra tot die dollar se verswakking. Op Vrydag, 31 Augustus, gaan die Federale Reserwe Voorsitter, Ben Bernanke, 'n toespraak by die 'Jackson Hole' Simposium lewer. Die moontlike kop-en-skouer patroon (nog een skouer kort) in my grafiek van die dollar, wys op die verwagting dat daar 'n aankondiging sal wees dat die Amerikaners nog geld gaan druk. As die dollar onder 81.35 daal, sal dit beteken dat aan hierdie verwagting voldoen is.

Pessimisme oor die ekonomië van Amerika, Britanje, Europa en Sjiena het die afgelope tyd hoogdy gevier en al die geskryf en gesels daaroor het die pessimisme versterk. Mario Draghi van die Europese Sentrale Bank met sy uitspraak van eruo ondersteuning en Ben Bernanke se uitsprake die afgelope tyd het hierdie versterkende effek in die bek geruk. Nou word daar geskryf en gesels oor die kanse van verdere kwantitatiewe verslapping en dit skep positiewe verwagtings. Ek twyfel of Bernanke en Draghi binnekort daadwerklik sal optree, nogtans lyk dit asof die tafel gedek is.

Die Rand

Verdere verswakking van die rand teenoor die dollar lyk moontlik en sal gesien word as die prys van 'n dollar bo R8.55 styg. Sou die prys laer as R8.15 daal, is 'n sterker rand in die vooruitsig.

Dieselfde met die GBP/ZAR. 'n Styging bo R13.30 vir 'n pond, verwag verdere verswakking van die rand. 'n Daling onder R12.58 skep die vooruitsig van 'n sterker rand wat oppad is na R11.79.

Teenoor die euro lyk verdere verswakking van die rand soos 'n uitgemaakte saak. Nogtans hou ek 'n prys van R10.64 vir 'n euro dop vir bevestiging. Sou die rand egter versterk, mik ons vir R9.86.

 

Goud

Die beweging van die dollar en die prys van goud in my grafiek waar ek hulle saamgesit het wys hulle verhouding van stygings en dalings.

As ek die prys van goud in rand en die USD/ZAR saamsit, trek die twee saam soos karperde.

Om in fisiese goud te belê sal 'n beslommernis wees, veral as die tydperk waarin jy in goud wil wees kort is, maande in plaas van jare. Die beursverhandelde fonds (ETF) Newgold kan die beslommernis verlig.

 

Newgold

Op 23 Augustus kondig Newgold (GLD) in 'n SENS aan dat die hoeveelheid uitgereikte Newgold skuldbriewe verhoog is en nou op 139,236,300 staan en 1,349,433 onse goud verteenwoordig. Dit was die vierde aankondiging van 'n verhoging in die aantal skuldbriewe die afgelope maand. Wanneer die goudprys daal, word skuldbriewe gekanselleer.

Hier is 'n maandelikse kersgrafiek van Newgold sedert Oktober 2009.

En 'n daaglikse grafiek sedert Mei 2012 waarop die styging bo 13150 van die afgelope paar dae duidelik is.

Die belangrikste vraag wat nou gevra moet word is: goud of JSE, watter een het die beste kans vir styging? En om hierdie vraag te antwoord het ek die JSE Alsi en Newgold saamgesit.

Sedert Augustus 2011 was daar twee geleenthede waar Newgold vinniger as die JSE gestyg het en twee van onderpresstasie. Tydsberekening is dus van groot belang. Ek reken dat as die rand verder verswak en die prys van goud met uitbundigheid voortstyg dat dit waarskynlik is dat  Newgold weer tydelik beter as die Alsi sal presteer.

'n Vergelyking van die JSE Alsi en die USD/ZAR bevestig.

Fyn dink en die deur dophou is hier aan die orde. Tyd en hoeveelheid was nog altyd van die grootste belang wanneer in goud belê word. Aankope van goud vir gebruik in juweliersware het die afgelope tyd saam met verswakkende geldeenhede gekwyn terwyl aankope deur sentrale banke aan't styg is.
 

In die 16de eeu het die Spanjaarde, na hul verowerings in Suid Amerika, agtergekom dat hoeveelheid beskikbare goud en silwer belangrik is en dat goud en silwer nie die uiteindelike antwoord op alles is nie.

Ek lees in Niall Ferguson se boek 'The Ascent of Money':

"The convoys of ships - up to a hundred at a time - which transported 170 tons of silver a year across the Atlantic, docked at Seville. A fifth of all that was produced was reserved to the crown accounting for 44 per cent of total royal expenditure at the peak in the late sixteenth century. But the way the money was spent ensured that Spain's newfound wealth provided the entire continent with a monetary stimulus."

En verder:
"And yet all the silver of the New World could not bring the rebellious Dutch Republic to heal; could not secure England for the Spanish crown; could not save Spain from an inexorable economic and imperial decline. The reason? They dug up so much silver to pay for their wars of conquest that the metal itself dramatically declined in value - that is to say, in its purchasing power with respect to other goods.

What the Spaniards failed to understand is that the value of precious metal is not absolute. Money is worth only what someone else is willing to give you for it. An increase in its supply will not  make a society richer, though it may enrich the government that monopolizes the production of money. Other things being equal, monetarry expansion will merely make prices higher."

Mag die week wat voorlê 'n goeie goue week wees.