Week van 17 Augustus 2012
Optimisme is weer aan die orde van die dag. As die markte
nou volgende week terugsak gaan ek dit beskou as ‘n tree of wat terug om ‘n
beter aanloop te maak vir die volgende sprong vorentoe.
Cees Bruggemans gee ‘n gawe uiteensetting van die hoofekonomiese
probleme in Amerika (gereed om hul geldvoorraad te vergroot), Europa (die euro
is hier om te bly) en Sjiena (blykbaar klaar die bodem getref). Daar’s hoop vir
stygings.
Hier is die webskakel:
Cees Bruggemans 13 Aug 2012 Preparing for some kind of
liftoff
Die vooruitsig van negatiewe en 0 – 2% groei (vir die
wêreld) word wyd bespreek en beperk stilletjies ons denke tussen 0 en 2. Dis
tyd om ook die moontlikheid van groei teen 3 – 6% te oorweeg, al is dit net om
ons dinkpatroon te verbreed en te vra: Hoekom sou dit onmoontlik wees?
Die DOW het hierdie week gestyg tot 13,275, naby die
onlangse vorige hoogtepunt, 13,265 (1 Mei 2012). Sou die indeks nou terugsak tot, om en
by, die blou horisontale lyn (in my grafiek) en dan weer styg om in die
volgende paar maande weer 13265 te haal, het ‘n onderstebo kop-en-skouer
patroon gevorm. Dit sal dan die pad oopmaak na die DOW se vorige hoogstepunt
van 14000 waar hy laas in Oktober 2007 was. Baie kan gebeur om hierdie uitleg
in die wiele te ry, maar dis moontlik.
Die JSE Alsi het sedert 25 Mei meer as 9% gestyg en
beweeg nou sywaarts. Die Rand het die afgelope week meer as 3.5% verswak
teenoor die pond, dollar en euro. Dit lyk of die Alsi nou die pas gaan markeer
tussen 35743 en 35330.
Vlagpatrone
Hierdie week het Gath McKenzie van die program Traders
Corner op Summit tv, AngloGold Ashanti
gekoop omdat ANG se grafiek ‘n vlag patroon gemaak het. Dit was ook die
onderwerp van IG Markets se ‘Chart of the Day’ in hul nuusbrief ‘Weekly
Technical Analysis’.
Die vlagpatroon bestaan uit ‘n ‘paal’ en ‘n ‘vlag’, en
die verwagte styging is die lengte van die paal.
Die teiken van ANG, volgens hulle is, 30550. Ek is meer
optimisities.
Exxaro het ook ‘n ‘vlag en paal’ patroon gevorm die
afgelope tyd. Die verskil met ANG se patroon is dat ANG reeds ‘n ‘kers’ gemaak
het bokant die vlag en dit bevestig die rigting. ‘n Kers bo EXX se ‘vlag’ sal
die pad na 20000 aanwys.
Ten spyte van die dalende steenkool uitvoerprys (Richards
Baai) het EXX gestyg. Sedert Februarie 2012 daal beide. Die
steenkool uitvoer prys draai in die middel van Junie en dit lyk asof EXX mee
doen. Sjiena en Indië koop in Julie groter hoeveelhede SA steenkool wat meer as vergoed
het vir die effense verminderde uitvoer na Europa.
Platinaprobleme
Die onrus in Marikana het die platina prys met meer as 5%
vir die week laat styg. Dit het die prys bo die dalende wig patroon laat
uitstyg en dit skep ‘n vooruitsig van platina teen $1600 /oz.
Platina aandele wys nog nie dieselfde stygings nie.
AngloAmerican Platinum het Vrydag’n verdere
-2.85% gedaal. Vir die week daal AMS in
totaal -4.39%. Die metaal reageer dus vinniger as die mynaandele.
Nog 'n interesante 'vlag' patroon
Supergroup (GB:SGP) wat op die FTSE genoteer is, verkoop modeklere
wat baie gesog is, oa die handelsname ‘Superdry’ en ‘Cult’. Die bestuur
van hierdie maatskappy het baie talent, maar nie in die finansiële veld nie.
(Hoe anders kan ek dit stel as ‘n maatskappy optelfoute in sy syfers maak.)
Die mark is onverbiddelik en SPG het dadelik met 40%
gedaal toe dit bekend word in April 2012.
Die grafiek het nou ‘n ‘koppie’vorm gemaak en die ‘oor’
van die ‘koppie’ is ‘n vlagpaal met ‘n plat driehoek vlag. Dit lyk asof daar
stygings oppad is, veral as in ag geneem word dat Britanje en Amerika se
kleinhandelverkope vir Julie gestyg het. Maar SGP se prys beweeg sywaarts uit
die vlag. Die beleggers voel nog onseker. Ek hou dop om die uitkoms te sien.
‘n Week met opwinding en teleurstelling lê voor en beide
sal hul spoor in die mark maak.
Daar's verseker nie beter vermaak nie!
17 Augustus 2012
No comments:
Post a Comment